Du er her: bkk.no » Om oss » Anlegg og utbygging » Strømnett » Hardanger - Voss - Samnanger
Det er stort potensial for ny vasskraft i Hardanger, Voss og Samnanger (HVS). BKK har difor starta arbeidet med å forsterka kraftnettet i området.
Målet er å sikra nye småkraftverk plass på nettet slik at den verdifulle vasskrafta kan hentast ut. Utbygginga er viktig for lokal verdiskaping og vil gje positive ringverknader for kommunane.
Krev ny konsesjon
Både bygging av nye leidningar og oppgradering av eksisterande leidningar krev konsesjon. BKK har sendt søknad til Noregs vassdrags- og energidirektorat (NVE), og har fått innvilga konsesjon for å byggja ny 132 kV-leidning mellom Voss og Granvin. Konsesjonsvedtaket er påklaga og vi ventar på vedtak i Olje- og energidepartementet.
Konsesjonssøknad for oppgradering av 132 kV-leidning mellom Samnanger og Øystese er framleis til handsaming. Les meir om konsesjonsprosessen her.
Nybrottsarbeid for å nå politiske mål
Vanlegvis er målet med å forsterka kraftnettet å sikra stabil kraftforsyning til forbrukarane. Gjennom HVS-prosjektet, som er det første i sitt slag, ønskjer BKK å betra kapasiteten på nettet først og fremst med tanke på å gi plass til småskala vasskraft. Private småkraftverk og det nye nettet vil gjera vasskrafta tilgjengeleg for forbrukarane. Dette vil dessutan gje positive ringverknader for både fallrettseigarane og kommunane. Slik medverkar BKK til å nå regionale, nasjonale og internasjonale mål om betre utnytting av lokal fornybar energi.
Les meir om korleis prosjektet bidreg til å nå politiske mål.
Det er stort potensial for ny vasskraft i Hardanger, Voss og Samnanger (HVS).
BKK har fått konsesjon frå Olje- og energidepartementet (OED) til å erstatta dagens 66 kilovolt-leidning med ein ny 132 kilovolt-leidning.
Her finn du brev, konsesjonssøknader og -vedtak, utgreiingar og andre aktuelle dokument.
BKK har ein eigen grunneigarkontakt som tek imot innspel og spørsmål.
I Hardanger, Voss og Samnanger er det potensial for 260 megawatt ny vasskraft, nok til å forsyna 52 000 husstandar med straum.
BKK vil gjerne høyra dine synspunkt på prosjektet. Vi tek alle innspel og kommentarar med i det vidare arbeidet.
